Русија сѐ повеќе ја споменува употребата на нуклеарно оружје, особено ако НАТО испрати војници во Украина.
Сегашниот нуклеарен арсенал може да ја уништи планетата неколку пати, вели Радио слободна Европа.
Земјата што прва ќе го употреби не може целосно да го уништи атомското оружје на нападнатата држава, која би можела автоматски да возврати.
Тоа значи дека секоја нуклеарна земја може да си нанесе голема штета и на себе и на другата земја.
Затоа сите продолжуваат да укажуваат дека нема победник во нуклеарната војна.
Сепак, со сè почестото спомнување нуклеарна војна, разговорот за темата што осум децении беше табу станува „нормализиран“. Од реториката до акцијата често има само еден чекор.
Затоа, Ден Смит, директор на шведскиот институт Сипри, предупредува дека „влегуваме во еден од најопасните периоди во историјата на човештвото“.
