Носачот на авиони Минск во последните осум години беше вкотвен во лагуна во близина на реката Јангце во покраината Џиангсу, а се запалил за време на реновирање. Требало да стане дел од воен тематски парк.
Пожарот избил во петокот попладне, а бил изгасен 24 часа подоцна, се наведува во извештајот. На снимките објавени на социјалните мрежи се гледаат густ чад и голем пламен на палубата на носачот, а откако пожарот бил изгасен, видливи се големи оштетувања.
On August 16th a fire broke out on the former Soviet heavy aircraft carrier Minsk, moored near Nantong on the Yangtze River. Firefighters’ attempts to extinguish the fire were unsuccessful it has been the main attraction of the Minsk World amusement park since 2000 . pic.twitter.com/diVmtb9zgq
— Ninjamonkey 🇮🇳 (@Aryan_warlord) August 17, 2024
„Нема жртви, а причината за несреќата се истражува“, се наведува во извештајот.
Минск претходно беше голема атракција, и тоа цели 16 години во сега затворен тематски парк на југот на Кина.
Неодамна почнало реновирањето за бродот да стане централен дел на нов тематски парк, но тие планови сега се спорни, пишува Си-ен-ен.
Former Soviet aircraft carrier Minsk caught fire in China. The ship, moored on the Yangtze River, caught fire during dismantling and renovation work. Minsk was purchased by a Chinese company in the late 1990s and used in a theme park in Shenzhen. pic.twitter.com/cepBGUHFO7
— Jan Wouters Esq. 🇧🇪 🇺🇦 @[email protected] (@layoutdokter) August 18, 2024
Некогаш дел од моќната советска пацифичка флота, Минск беше вториот од четирите носачи од класата Киев, кои Советскиот Сојуз ги направи меѓу 1970 и 1987 година. Бродот долг 273 метри можел да носи десетина борбени авиони и исто толку хеликоптери.
Изграден во бродоградилиште во денешна Украина и наречен по главниот град на Белорусија, служел во Советската пацифичка флота по влегувањето во служба во 1978 година. По распадот на Советскиот Сојуз во 1991, стана сопственост на руската воена морнарица.
Русија престана да го користи во 1993 и го продаде со близнакот Новорисијск на јужнокорејска компанија за старо железо.
Додека Новоросијск беше расклопен во јужнокорејското пристаниште Поханг, еколошки групи се противеа на присуството на Минск во земјата. Бродот потоа ѝ беше продаден на кинеска компанија, за на крајот да заврши во тематски парк.
