Од партијата тврдат дека поранешниот вицепремиер Артан Груби во влијанието во судството не бил сам, логистика за тоа му биле „патериците од СДС“ и дека .ДУИ и СДСМ заеднички, седум години, поставувале свои луѓе во правосудниот систем.
„Се поставува прашањето во колку судски процеси и во колку судски одлуки СДС и ДУИ вијаеле и ја спречиле правдата, или пак во колку граѓански постапка влијаеле за да се донеси одлука во нивна корист? Затоа судството е целосно компромитирано и со доверба од граѓаните од 2 отсто. За ваквото деградирање и мешање во правосудството одговорност мора да има. Сите соучесници на Груби, исто како него, треба да сносат одговорност и да се соочат со лицето на правдата пред македонските органи“, велат од ВМРО-ДПМНЕ.
Партијатта смета дека Јавното обвинителство не треба да чека, туку треба веднаш да постапи и да ги обезбеди доказите.
„Ако САД можеле да ги обезбедат доказите за мешање и влијанија на Груби во судски одлуки, истите можат и мораат да ги обезбедат и нашите истражни органи. Повикуваме судиите и обвинителите да се разбудат и да почнат да си ја работаат работа за коишто се платите од граѓаните, согласно закон. Кривична одговорност за Груби и за неговите помагачи во СДС и ДУИ мора да има“, се наведува во соопштението на ВМРО-ДПМНЕ.
