Вреди вчера објави дека ќе предложат уставен амандамн со кој кривичните дела извршени од јавни функционери додека биле на функција не застаруваат.
За ВМРО-ДПМНЕ постојната законска рамка во Македонија е соодветна за справување со корупцијата.
„Нашиот став е дека сегашното законодавство, во комбинација со сеопфатно вкрстување на базата на податоци, ни овозможува ефикасно да се бориме против корупцијата. Главното прашање е недостатокот на политичка волја за да се изнесат овие случаи на виделина. Оние кои извршиле прекршоци треба да очекуваат темелна контрола и отчетност. Важно е да разберат дека правдата ќе победи во блиска иднина. Наскоро ќе почнат истрагите за случаите на корупција“, изјави Стојаноски.
Вреди го предложи уставниот амандман како одговор на барањето на ДУИ за меѓународен ветинг на сите функционери во последните 30 години.
