Додик на фестивалот дошол со хеликоптер, а кога минувал покрај шаторот во кој биле собрани ветераните, се случил инцидент. Тој им пришол да се ракува, но тие го одбиле, пишува Кликс. Потоа извикувале по него, а Додик се свртел и им го покажал средниот прст.
По заминувањето на Додик, двајца од придружбата на Додик им пришле на ветераните и еден од нив делувал агресивно.
„Точно е дека имаше непријатна ситуација кога Милорад Додик се приближи до нашата маса. Луѓето не сакаа да се ракуваат со него и почнаа гласно да се жалат, а тој се сврте и им покажа среден прст. Потоа, еден од членовите на неговото обезбедување почна да се расправа со нашите луѓе, но сепак беше спречен посериозен инцидент“, изјави потпретседателот на здружението Недељко Клинцов.
Бранислав Бореновиќ, претседателот на Партијата за демократски напредок (ПДП), за Кликс потврди дека тоа се случило и рече дека сѐ се случило неочекувано за десет секунди, а е објавено и на Икс.
Као и сваке године, пријатно дружење на Бардачи на позив Ветерана Војске Републике Српске.
Иако је било ненаданих непријатности када је Додик покушао, али био спријечен од бораца да им се придружи, па је показивао вулгарне гестове, то није утицало на лијепу атмосферу и дружење.… pic.twitter.com/xyTkrqqJEO
— Branislav Borenović (@BBorenovic) September 1, 2024
За инцидентот зборуваше и претседателката на Народен фронт, Јелена Тривиќ, која рече дека кревањето на средниот прст на Додик е симбол на неговиот однос кон народот.
„Дезертер во војна, среден прст на борците во мир – тоа е Додик! Тоа е Милорад Додик. Ако не му беше јасно никому досега. Еднаш воен профитер и шверцер – секогаш воен профитер… Средниот прст на борците е среден прст за целиот наш народ! Средниот прст за борците е среден прст на Милорад Додик за цела Република Српска“, рече Тривиќ.