Паролин истовремено изјави дека целиот свет е зафатен од опасна криза и дека е време да се брани човечкото достоинство.
„Мораме да гарантираме сигурна иднина во која сите луѓе ќе можат да уживаат во развојот, како поединци и како заедници. Во овој момент не смееме да затвориме очи пред трагедиите со кои се соочува човештвото“, нагласи Паролин.
Ужасите на војната кои моментално одекнуваат на Блискиот Исток и Украина не беа единствените во фокусот на говорот на државниот секретар на Ватикан, кој исто така додаде дека меѓународната заедница треба дополнително да ги зајакне сите свои активности за искоренување на сиромаштијата во светот.
„За мирна и просперитетна иднина потребна е политичка волја да се искористат сите средства кои би довеле до одржлив развој“, беа зборовите на Паролин во седиштето на Обединетите нации.
