Црвено-црните ги решија финансиските проблеми, но играчки се чини дека се послаби и од минатата сезона во која се бореа за опстанок.
Денеска на Арената „Тодор Проески“ гостуваше Воска која важи за најслаба екипа во првенството, но и тие го понижија Вардар.
Донарт Ибраими по грешката на Гачевски го отвори резултат во 53 минута и тука започна катастрофата на Вардар.
Новото засилување, Мециновиќ на дебито си постигна автогол во 62. минтуа, додека Јахија со прекрасен гол три минути подоцна зголеми на 0:3. Шарковски во завршницата постигна гол за утеха кој не значи многу за конечни 1:3.
За Вардар ова е веќе трет пораз и тоа трет натпревар во кој прима три гола
Во останатите натпревари кои се играа денес Струга со 2:0 ја совлада Брера, Силекс го изненади Шкупи со 2:1, Шкендија дома беше подобра од Пелистер со 2:0, додека средбите Беса – Работнички и Тиквеш – Гостивар завршија без погодоци.
