Унгарската влада во август најави, а во последните денови со медиумска кампања промовираше низа жолти градски автобуси изнајмени за таа цел.
„Европската Унија сака да ја натера Унгарија да ги пушти нелегалните мигранти кои ги сопираме на својата јужна граница“, кажа заменик министерот за внатрешни работи Бенце Ретвари.
„По примената на европските процедури, ќе им понудиме бесплатен билет во еден правец до Брисел. Ако Брисел ги сака, ќе ги добие“, кажа тој.
As the EU stasi yet again threatened Hungary to take in illegal immigrants or lose funding.
Hungarian politicians struck straight back, and gathered a haul of busses to drive any migrants at their border and dump them in the heart of the EU, Brussels 🇭🇺 👏🏻 pic.twitter.com/0A0cPcI58S
— Superbadnanna (@Vigilantenanna) September 10, 2024
Ова е одговорот на Унгарија на рекордната казна од 200 милиони евра која во јуни ѝ ја изрече европското правосудство поради непочитување на договорот за право на азил, со казна од милион евра дневно сè додека не ја усогласи својата политика со прописите на ЕУ. Будимпешта одбива да ја плати казната, сметајќи ја за скандалозна и неправедна.
Заканата на Унгарија со превозот на мигранти во Брисел е неприфатлива, оцени белгиската државна секретарка за азил и миграции Никол де Мур.
„Тој циркус е штетен и контрапродуктивен и ја поткопува солидарноста и соработката во Унијата“, оцени таа, предупредувајќи на „флагрантното кршење на европските и меѓународните договори“.
Европската комисија одби да коментира, порачувајќи дека е навикната на „гласните изјави на Унгарија“.
