„Ако Брисел не го направи тоа, Унгарија повторно ќе го забрани увозот на украински житарки во својата земја“, додаде Гуљаш.
ЕУ во мај им дозволи на Бугарија, Унгарија, Полска, Романија и Словачка да ја забранат продажбата на украинска пченица, пченка, маслена репка и сончоглед на своите домашни пазари, а таа мерка истекува на 15 септември.
Полска претходно кажа дека нема да ја укине забраната дури и ако ЕУ не се согласи не нејзино продолжување.
Спомнатите пет земји од ЕУ во јули потпишаа заедничка декларација за продолжување на забраната за увоз на жито од Украина, барајќи мерката да остане на сила барем до крајот на оваа година.
