21-годишноот Тешеира е припадник на Националната гарда на воздухопловството на Масачусетс.
Неговото апсење следи по брзата истрага на американската влада по идентитетот на оној кој ги постирал доверливите документи на платформа на социјални медиуми популарна меѓу играчите на видео игри.
A member of the Massachusetts Air National Guard was arrested by the FBI in connection with the leaking of classified documents that have been posted online, according to a US official familiar with the matter https://t.co/hdrZ8J7sw1 pic.twitter.com/y0aZsnfB9I
— CNN (@CNN) April 13, 2023
Тешеира прв го идентификуваше Њујорк тајмс вчера пред неговото апсење како лидер на групата во која се поставени доверливите документи, пишува Си-ен-ен.
Администрацијата на претседателот на САД Џо Бајден со денови се бори да ги намали последиците од истекувањето на доверливите документи, кои укажаа на потенцијални дупки во способностите на противвоздушната одбрана на Украина и ги разоткри приватните процени на сојузниците за низа разузнавачки прашања.
Американската влада работи на проценка на дипломатските и безбедносни последици на протекувањето на документите откако за тоа се дозна минатата недела.
Портпаролот на Пентагон на новинарите оваа недела им кажа дека протекувањето на документите претставува „многу сериозен ризик за националната безбедност“, а министерството за правда на САД отвори истрага за да го идентификува лицето одговорно за тоа.
