„ЕУ не е создадена за да изигра никого. Сосема спротивно. Таа е создадена за да го зачува мирот, да изгради почитување меѓу народите, да гарантира слободна и фер трговија и да го зајакне нашето трансатлантско пријателство. Толку едноставно“, рече полскиот премиер на мрежата Икс.
Туск, чија земја претседава со ЕУ до средината на оваа година, на овој начин реагираше на неодамнешното обвинување на Трамп дека ЕУ е создадена за да ги изигра САД.
„Тоа е нејзината цел и добро ја заврши работата“, рече неодамна Трамп, најавувајќи 25 отсто царини за стоките од ЕУ.
Европската комисија му одговори на Трамп дека е подготвена решително и итно да реагира на сите бариери што тој ќе ги постави за слободната трговија.
„ЕУ е најголемиот слободен пазар во светот и е благодет и за САД. Со создавањето на голем единствен пазар, ЕУ ја олесни трговијата, ги намали трошоците за американските извозници и ги усогласи стандардите и регулативите во 27 земји. Резултатот е дека американските инвестиции во Европа во голема мера се исплатат“, се вели во одговорот на Европската комисија.
