Трамп кажа дека „бројот на смртни случаи ќе биде многу поголем отколку што луѓето мислат“ кога ќе дојде време да се „пеглаат жртвите“.
Украина ретко објавува извештаи за бројот на загинатите цивили, а бројките се тешки за проценување бидејќи не постојат независни извори.
Најновите податоци објавени во јуни минатата година наведуваат дека бројот на настраданите цивили е околу 10.000, меѓутоа Олег Гаврич, главниот помошник на шефот на кабинетот на Володимир Зеленски, кажа тогаш дека вистинската цифра би можела да биде пет пати поголема.
Исто така е тешко да се утврди колку војници загинале во конфликтот. Зеленски претходно годинава зборуваше за 31.000 мртви, додека руските и странските проценки укажуваат дека бројката е многу поголема.
„Тие лажат за бројките“, кажа Трамп. Тој не објасни зошто верува дека Киев го прави тоа, иако се смета за стандардна пракса земјите да ги преценуваат непријателските загуби и да ги потценуваат своите за време на конфликт.
„Се трудат да ги држат бројките мали. Урнаа зграда долга два блока и велат дека едно лице е полесно повредено. Не, не, многу луѓе се убиени… милиони луѓе“, кажа Трамп.
Канцеларијата на високиот комесар на Обединетите нации за човекови права процени дека бројот на загинати цивили, или невооружени поединци, во Украина од почетокот на конфликтот во февруари 2022 до 31 јули 2024 е 11.520. Агенцијата наведе дека реалните бројки може да се многу поголеми. Анонимни американски функционери кажаа за Њујорк тајмс минатиот месец дека бројот на украински војници убиени во конфликтот е 70.000.
Трамп повтори дека конфликтот со Русија е „војна која не требаше да се случи“. Тој ја обвини владата на американскиот претседател Џо Бајден дека не ја спречила и кажа дека ситуацијата сега е толку вон контрола што мировен договор „е многу потешко да се постигне отколку што беше пред да почне конфликтот“.
