„Го направив НАТО силен“, напиша со големи букви републиканскиот фаворит за претседателските избори во САД во 2024 година на социјалната мрежа Трут соушл, која тој ја основа.
„Кога реков дека 20-те земји кои не го плаќаат својот фер дел мора да платат и дека ако не платат, нема да имаат американска воена заштита, парите почнаа да доаѓаат“, рече Трамп.
„По толку години како САД плаќаа за други, тоа беше прекрасна глетка“, рече тој. „Но, сега, кога не сум таму да им кажам дека мора да платат, тие си се вратија на старо“, рече тој.
На настан во рамки на предизборната кампања во Јужна Каролина во саботата, Трамп рече дека „нема да ги заштити од Русија“ земјите кои не ги исполнуваат барањата на НАТО за одбранбени трошоци.
„Еден претседател на голема земја ми рече: Доколку не платиме и бидеме нападнати од Русија, ќе нè заштитите? Реков.. Не, не би ве заштитил. Всушност, би ги охрабрил да прават што сакаат“, рече Трамп, мислејќи на Русија, доведувајќи ги во прашање обврските за колективна одбрана на Алијансата.
Не е јасно дали Трамп некогаш имал таков разговор со претседател на друга земја.
Trump: One of the presidents of a big country stood up and said, Well, sir, if we don’t pay and were attacked by Russia, will you protect us? I said.. No I would not protect you. In fact, I would encourage them to do whatever the hell they want. pic.twitter.com/2RPVDFZIXy
— Acyn (@Acyn) February 10, 2024
Трамп ги нарече земјите кои не трошат 2 отсто од БДП за одбранба деликвенти.
Коментарот на Трамп предизвика бурни реакции во Европа, каде се свежи сеќавањата за скептицизмот на Трамп кон трансатлантската алијанса.
Тој предизвика бес и во 2017 година кога го нарече НАТО застарен, а за време на својот претседателски мандат често обвинуваше дека САД плаќаат неправеден дел како членка.
