понеделник, 10 февруари 2025

Трамп им нуди пари на државните службеници за да дадат отказ

Администрацијата на новиот американски претседател Доналд Трамп соопшти дека нуди стимулации за речиси сите федерални вработени да дадат отказ и предупреди на плановите за намалување на јавниот сектор.

Фото: ЕПА

Објавено на

часот

Сподели

„Програмата за одложена оставка“ ќе им овозможи на федералните вработени да останат на платниот список до 30 септември, но не мора да работат, се вели во мејлот испратен до федералните вработени, пренесе Ројтерс.

Федералните отпремнини обично се ограничени на 25.000 американски долари. Вработените добија рок до 6 февруари да донесат одлука.

Во мејлот се наведува и дека администрацијата очекува „поедноставна и пофлексибилна работна сила“. Иако војската и некои агенции најверојатно ќе го зголемат бројот на својот персонал, повеќето агенции најверојатно ќе бидат намалени преку реструктурирање и отпуштања.

Белата куќа засега нема коментар.

Претседателот на Американската федерација на владини службеници, Еверет Кели, рече дека предлогот „не треба да се смета за доброволен. Помеѓу низата извршни наредби и политики против работникот, јасно е дека целта на администрацијата на Трамп е да ја претвори федералната влада во токсична средина каде што вработените не можат да останат дури ни ако сакаат“, рече тој.

ТОП ВЕСТИ

ПОСЛЕДНИ ВЕСТИ