„Сериозно сум загрижен поради информациите за израелски план за копнен напад на Рафа. Ескалацијата на насилството во таа густо населена област би довела до уште поголема смрт и страдање“, напиша Гебрејесус на социјалната мрежа Икс.
I’m gravely concerned about reports of an Israeli plan to proceed with a ground assault on Rafah. Further escalation of violence in this densely populated area would lead to many more deaths and suffering, especially with health facilites already overwhelmed. #Gaza pic.twitter.com/hWichKUKj9
— Tedros Adhanom Ghebreyesus (@DrTedros) March 16, 2024
„Во име на човештвото, го повикуваме Израел да го стори ова и да работи на мирот“, додаде тој, оценувајќи дека евакуацијата што ја планираше израелската армија пред нападот не е изводливо решение.
Според него, 1,2 милиони луѓе во Рафа немаат безбедно место каде да одат, бидејќи во Појасот Газа нема целосно функционални и безбедни здравствени и други установи каде што би можеле да одат.
„Многу луѓе се премногу кревки, гладни и болни за повторно да бидат раселувани“, рече шефот на СЗО.
Израелскиот премиер Бенјамин Нетанјаху во петокот ги одобри плановите на армијата за офанзива во Рафа, дел од територијата што се граничи со затворената граница со Египет, каде што засолниште најдоа многу цивили, прогонувани од израелската офанзива на север, потоа во центарот и на југот од Појасот Газа.
Таа операција, за која САД и ОН продолжуваат да предупредуваат, би можела да биде спроведена во отсуство на договор за прекин на огнот или по евентуална шестнеделна пауза во борбите.
