Иако законот официјално забранува испраќање регрути на бојни полиња во странство, има бројни извештаи за тоа дека тие биле принудени да потпишуваат професионални договори со Министерството за одбрана за потоа да бидат испратени во војната во Украина.
Според новиот закон, младите мажи ќе продолжат да бидат повикувани на воена служба за време на традиционалните пролетни (од 1 април до 15 јули) и есенски (од 1 октомври до 31 декември) рокови. Клучната промена е што комисиите за регрутација и медицинските комисии во канцелариите за регрутација од сега ќе работат континуирано, во текот на целата година.
Авторот на законот Андреј Картаполов претседател на парламентарната Комисија за одбрана, тврди дека целта на реформата е да се намали притисокот врз канцелариите за воена регрутација.
Овој закон доаѓа во контекст на мобилизацијата на Путин од 2022 година, прва во Русија по Втората светска војна, која беше предизвикана од неуспеси на украинското бојно поле. Мобилизацијата тогаш предизвика масовни протести и бегство на повеќе од 261.000 Руси од земјата. Иако Кремљ подоцна објави дека мобилизацијата е „завршена“, таа никогаш официјално не е завршена со претседателска наредба.
Наместо нов бран мобилизација, властите во последните години се свртеа кон агресивни кампањи за регрутирање и финансиски стимулации, нудејќи дарежливи договори за волонтери да одат во војна. Во руската воена структура, војниците по договор го сочинуваат ‘рбетот на вооружените сили, додека мобилизираните цивили се повикуваат како засилување во време на војна.
