Иако Шведска не се вклучи во воени сојузи, во последните години има сè поцврсти врски со НАТО поради порастот на тензиите меѓу Русија и балтичките земји. „Ако Шведска одлучи да испрати барање за придружување во НАТО во актуелната ситуација, тоа дополнително би го дестабилизирало овој регион на Европа и би ги зголемило тензиите“, кажа Андерсон.
„Долгорочната, доследна и предвидлива политика на владата е најважна за безбедноста на Шведска и овој дел од Европа“, уверена е Андерсон, која ѝ се обрати на јавноста по состанокот со опозициските партии. Покрај Шведска се зборуваше и за влегување на Финска во НАТО, што Русија не го сака, па за тоа на крајот на февруари објави предупредување за „сериозни воени и политички последици“.
Според анкетата на Демоскоп, нарачана од шведскиот весник Афтонбладет, 51 отсто од Швеѓаните се за членство во НАТО, што е за девет отсто повеќе од јануари. Против придружување се 27 отсто, односно девет отсто помалку од претходната анкета.
Ројтерс истакнува дека Шведска и Финска имаат тесно воени врски и влегувањето на едната би ставило притисок врз другата земја.
