„Одреден тип напаѓачко оружје мора да се идентификува како она кое никогаш нема да биде увезено во Украина и никогаш нема да биде произведено таму“, кажа Лавров за Ал џезира.
Лавров кажа дека Русија го признала Володимир Зеленски како украински лидер и го поздрави како „позитивен чекор“ фактот што Зеленски сакал безбедносни гаранции. „Нашите преговарачи се спремни за втор круг на расправата за овие гаранции со украинските претставници“, кажа шефот на руската дипломатија.
Зеленски во вторникот кажа дека Русија треба да го сопре бомбардирањето на Украина за да можат да продолжат преговорите. Побара безбедносни гаранции, но од НАТО, а не од Русија.
