Во видеото момчето се претставува како Едан Александар и наведува дека е во Газа 551 ден. Се прашува зошто е сè уште таму и моли да биде ослободен.
Монтираното видео е објавено пред еврејскиот празник Пасха, кој ја слави слободата. Семејството на Александар издаде соопштение во кое се вели дека празникот нема да биде празник на слободата се додека Едан и другите 58 заложници се во заробеништво во Газа.
pic.twitter.com/g12xjtYbkf
Hamas Releases Video Showing Israeli-American Hostage Edan Alexander alive, a soldier in an elite infantry unit on the Gaza border when he was abducted by Hamas during their October 7 attack on Israel.The Alexander family said: “Our Edan is still being…
— Nizam Tellawi (@nizamtellawi) April 13, 2025
Хамас веќе објавуваше видео снимки од заложници кои молат за своето ослободување за време на војната. Израелските власти претходно ги отфрлија снимките како пропаганда наменети за притисок врз нивната влада. Војната трае веќе година и пол.
Хамас ослободи 38 заложници според договорот за прекин на огнот кој започна на 19 јануари. Израелската влада ги продолжи копнените и воздушните напади врз Газа во март, со што го прекрши кревкиот прекин на огнот.
Израелските власти велат дека воената кампања ќе продолжи се додека не се ослободат 59 заложници и додека Газа не се демилитаризира. Хамас инсистира дека само ќе ги ослободи заложниците како дел од договорот за завршување на војната и ги отфрли барањата да го остави оружјето.
САД, Катар и Египет посредуваат меѓу Хамас и Израел.
Војната започна кога милитантите на Хамас го нападнаа јужниот дел на Израел на 7 октомври 2023 година, убивајќи околу 1.200 луѓе, според податоците на израелските власти. Во одмаздата на Израел се убиени повеќе од 50.000 Палестинци во Газа, според здравствените власти на енклавата. Речиси целото население е раселено, а Газа е разрушена.
