Најмалку 400.000 украински бегалци досега влегле во ЕУ, изјави комесарката на ЕУ за внатрешни работи Илва Јохансон по посетата на граничниот премин меѓу Романија и Украина.
Министрите за надворешни работи на ЕУ побараа од неа да подготви предлози за придвижување на директивата на ЕУ за привремена заштита, која беше составена по војните на Балканот во деведесеттите години од минатиот век, но до сега не беше користена.
Осмислена да се бави со масовни пристигнувања на раселени лица во Унијата, директивата го предвидува истото ниво на заштита во сите држави на ЕУ, вклучувајќи дозвола за престој и пристап до вработување и социјална заштита.
Јохансон кажа дека се надева дека министрите за внатрешни работи на ЕУ до четврток ќе се сложат околу шемата на заштита за оние кои бегаат од Украина.
