▢ 100 г солен путер, поделен
▢ 1 среден кромид, ситно сечкан
▢ 1 морков, ситно сечкан
▢ 1 стебленце целер, ситно сечкано
▢ 1 главица карфиол, исечкана на парчиња од 3 см
▢ 2 лажици сечкан магдонос (свеж или сушен)
▢ 1 л пилешка супа од коцка
▢ 6 лажици брашно
▢ 500 мл млеко
▢ 250 мл неутрална павлака
▢ 1-2 ловорови листа
▢ 1 лажичка сол, или повеќе по желба
▢ црн пипер по желба
▢ 250 мл кисела павлака
Приготвување:
Во големо тенџере стопете 4 лажици путер на средно-висока температура. Додајте го кромидот и динстајте додека не порумени, 4 до 5 минути.
Додадете ги морковите и целерот и динстајте уште околу 2 минути. Додајте ги карфиолот и магдоносот и измешајте да се соединат. Покријте и варете на тивок оган 15 минути.
Додајте ја пилешката супа. Оставете да зоврие, а потоа намалете ја температурата на средно ниска и оставете да се динста околу 10 минути.
Во средно тенџере растопете ги преостанатите 4 лажици путер на тивок оган. Во чинија изматете ги брашното и млекото да се соединат. Полека додадете ја смесата во путерот со постојано матење. Оставете да крчка додека не се згусне, околу 5 минути.
Тргнете го тенџерето од рингла и додајте ја неутралната павлака. Додајте ја смесата во супата што крчка. Ставете ги ловоровите листови. Оставете да крчка 15 до 20 минути. Пробајте и додајте уште сол или црн пипер, ако сакате.
Непосредно пред сервирањето, ставете ја киселата павлака во сад за сервирање. Додајте ѝ 2 до 3 лажички од топлата супа и измешајте да се соедини со киселата павлака. Истурете ја смесата во преостанатата супа и измешајте. Или, послужете во чинии и прелејте ги со кисела павлака. Послужете веднаш.
