Уметноста на тетовирањето стана светска призната форма на уметност која се развива секојдневно. На „Скопје тату шоу“ ќе присуствуваат над 50 интернационални и балкански тату артисти. Посетителите ќе можат да воочат тадиционални и современи тетоважи, неверојатна разновидост на стилови и техники како изгледа тетовирањето.
За време на овие два дена, тату артистите ќе се натпреваруваат во повеќе различни категории и за најдобрите тетоважи на крајот од денот ќе се доделат награди. Доколку сакаат посетителите ќе имаат можност да се тетовираат и да научат нешто од врните тату уметници.
Интернационалната конвенција нема да биде само натпревар на тату уметниците, туку ќе има и настани за секој посетител да ужива во нив. За одржување на музичката атмосфера тука ќе бидат бендот Shugarfree, DJ Goce и DJ Strajk. Нашиот познат уметник, Михаил Курбин, ќе има своја изложба, додека свое предавање ќе има м-р Ивана Хаџиманова, психотерапевт со долгогодишн искуство во областа на менталното здравје на темата „Под површината: Психологијата и подлабокото значење на телесната уметност “.
