На мерно место во Струмица е надминат прагот на алармирање за концентрации на суспендирани честички со големина до 10 микрометри (ПМ 10), соопшти Министерството за животна средина и просторно планирање.
„За градот Струмица стапуваат во сила препораки и мерки согласно заклучоците од записникот од 40-та седница на Владата на Република Македонија одржана на 28 ноември 2017 година“, соопшти МЖСПП.
Во два последователни дена среднодневните концентрации се над вредноста од 150 mg/m3, односно на 5 февруари се измерени 165,83 mg/m3, а вчера 155.00 mg/m3.
Надмината е вредноста 150 mg/m3 согласно со Уредбата за гранични вредности за нивоа и видови на загадувачки супстанции во амбиентниот воздух и прагови на алармирање и согласно добиената временска прогноза од Управата за хидрометеоролошки работи“, се вели во соопштението.
За состојбата со квалитетот на воздухот зимава многу пишувавме, а и денеска го наоѓаме Скопје во врвот на листата на најзагадени големи и главни градови во светот. Околу 11 часот Скопје е на третото место, а како што МКД.мк објави ноќеска на полноќ, Скопје беше на петтото место во светот.
Ефикасни мерки за поздрав воздух, очигледно нема.
