На прием што го одржал градоначалникот Владимир Гак, меѓу подароците за децата од карате клубот Сенсеи имало и од медот за потенција „Фрушкогорски скочко – радост во куќата“, пишува локалниот портал Ин медиа од Инѓија.
Гак му вети поддршка и помош на карате клубот, а заедно со ветувањата на децата им беа поделени и подароци во брендирани чанти на локалната самоуправа.
Ништо немаше да биде толку необично, тврдат родителите, доколку во содржината на кесата не го пронашле потентниот мед „Фрушкогорски скочко“, пишува порталот.
Се додава дека во локалната самоуправа не знаат чија била идејата на децата да им се дава мед за потенција, додека поранешните членови на кабинетот на претседателот на општината изјавиле дека содржината на подароците e избор на кабинетот на градоначалникот.
