На снимката се гледа руски борбен авион сухој Су-35 кој му приоѓа на американски Ф-16 и минува на само неколку метри од него.
“On Sept 23, 2024, NORAD aircraft flew a safe and disciplined intercept of Russian Military Aircraft in the Alaska ADIZ. The conduct of one Russian Su-35 was unsafe, unprofessional, and endangered all – not what you’d see in a professional air force.” – Gen. Gregory Guillot pic.twitter.com/gXZj3Ndkag
— North American Aerospace Defense Command (@NORADCommand) September 30, 2024
Во изминатите недели руски авиони во повеќе наврати влегувале во идентификациската зона на противвоздушната одбрана на Алјаска, веднаш до суверениот воздушен простор на САД.
На пример, осум руски воени авиони и четири брода, вклучувајќи две подморници, се приближиле неодамна до Алјаска додека Русија и Кина изведуваа заедничка воена вежба, но без да влезат во американскиот простор.
Настанот предизвика критики на американски воени функционери, како и на американскиот републикански сенатор од Алјаска Ден Саливен.
„Постапката на еден руски Су-35 не била безбедна, била непрофесионална и ги загрозила сите, тоа не е нешто што го прават професионалните воени сили“, кажа генералот Грегори Гилјо, командантот на Северноамериканската команда за воздушна одбрана (НОРАД) и Северната команда на САД.
Сенаторот Саливен изјави дека овој потег е уште еден аргумент за јакнење на американското воено присуство на Алјаска и Арктикот.
Асошиејтед прес побарале коментар од руската амбасада во САД, но не добиле одговор.
