Дронот што леташе кон Москва е уништен во регионот околу руската престолнина, изјави градоначалникот на Москва Сергеј Собјанин во објава на апликацијата за размена на пораки Телеграм.
Најмалку 12 беспилотни летала лансирани од Украина се уништени и над пограничниот регион Брајанск во југозападна Русија, изјави гувернерот на регионот Александар Богомаз на Телеграм.
Две беспилотни напаѓачки летала исто така биле соборени над Курската област, изјави на Телеграм Алексеј Смирнов, вршител на должноста гувернер на регионот, кој беше делумно окупиран од Украина по инвазијата.
Според првичните информации, нема повредени или материјална штета, соопштија надлежните.
Ројтерс не можеше независно да ги потврди извештаите. Во моментов нема коментари од Украина.
