Рускиот закон бара секое лице или организација која прима поддршка надвор од Русија или која е под странско влијание да се регистрира како „странски агент“, етикета која има негативни конотации од советското време и носи тешки бирократски барања.
Русија истакнува дека законот е помалку строг од американскиот закон за регистрација на странски агенти од 1938 година, и рускиот закон е применет на речиси сите лидери на поделената опозиција, а некои прозападни дисиденти го сметаат за знак на чест.
Вјачеслав Володин, претседателот на долниот дом на рускиот парламент, кажа дека Думата настојува да ги заостри правилата уште повеќе од тоа што беше првично предложено.
На почетокот предлогот беше сите „странски агенти“ да се натераат да користат посебни сметки во рубли за заработки од интелектуални активности – вклучувајќи ги сите марки, научни дела, книжевност и уметност, перформанси, емитување, изуми и жигови.
Пратениците сакаат да одат подалеку, истакна Володин.
Дополнителните предлози бараат „странскиот агент“ сиот приход од продажба на имот, возила, целиот приход од давање под закуп, камати на депозити и дивиденди да ги префрли на сметките.
Второто читање на законот е закажано за 17 декември, кажа Володин.
Поддржувачите на рускиот претседател Владимир Путин велат дека законот за „странски агенти“ е неопходен за спротивставувањето на обидите на Западот да се меша во руските внатрешни работи.
Противниците на Путин тврдат дека законот е дел од заплетканиот систем на репресија кој Русија ја претвора во кревка авторитарна држава, задушувајќи ја легендарната руска уметничка и научна креативност.
