Реал Мадрид поведе со гол на Мбапе уште во 10. минута од натпреварот, Французинот имаше уште некоја шанса за гол, но во 36. минута излезе од игра поради повреда.
Во самиот финиш од првото полувреме Де Кетеларе од пенал го изедначи резултатот на 1-1.
По десетина минути игра во вториот дел Винисиус даде гол и го врати водството на Реал Мадрид, а Белингем во 59. минута зголеми и на 3-1.
Шест минути подоцна Лукман намали на 2-3, но Аталанта немаше сила и да избегне пораз.
Баер Леверкузен со гол на Мукиеле во 90. минута го победи Интер со 1-0.
Интересно беше на дуелот Лајпциг и Астон Вила каде гостите победија со 3-2. Мекгин, Дуран и Баркли ги дадоа головите за гостите, Опенда и Баумгартнер погодија за германскиот тим.
Елмас поради повреда не беше дел од овој дуел.
Баерн со 5-1 го совлада Шахтар, Олисе даде два гола, по еднаш погодија Лајмер, Милер и Мусиала.
ПСЖ со 3-0 славеше кај Салцбург, Брест со 1-0 беше подобар од ПСВ, Клуб Бриж со 2-1 го совлада Спортинг.
