Сепак, новото истражување го отвора патот за универзална вакцина што би можела да биде насочена кон многу поширок спектар на видови на рак, пренесува Научен Аларм.
Тим од Универзитетот во Флорида се фокусираше на „будење“ на имунолошкиот систем за поефикасно да реагира на различни типови на канцерогени клетки.
Big progress in the fight against cancer
Researchers at the University of Florida have developed an experimental mRNA based vaccine that “wakes up” the immune system to attack a wide range of cancers.
Unlike tumor specific vaccines, this approach broadly stimulates immune… pic.twitter.com/kPXuRwKbgS
— Dr Singularity (@Dr_Singularity) August 28, 2025
„Она што го откривме е дека со користење на вакцина која не е специјално дизајнирана да го напаѓа ракот, туку да стимулира силен имунолошки одговор, можеме да предизвикаме многу силен противканцероген одговор“, објасни неврологот Дуан Мичел.
„И така, ова има значаен потенцијал за широк спектар… на пациенти со рак – можеби дури и ќе нè доведе до готова вакцина против рак.“
Од суштинско значење е тоа што материјалите создадени од вакцината не се специфични за туморите што се третираат, туку ја подобруваат реакцијата на „заспаните“ клетки кои вообичаено не се поврзани со одговор на ракот. Ова делува како универзален аларм за одбраната на нашето тело, што укажува на широк спектар на потенцијални примени.
Туморите со голем број мутации можат да развијат отпорност на третманите. Меѓутоа, кога вакцината и вообичаени лекови против рак познати како инхибитори на имунолошки контролни точки (ИЦИ) биле администрирани заедно кај глувци, истражувачите забележале исклучително силен одговор во борбата против туморите, дури и оние кои инаку се отпорни на третман. Во некои тестови, туморите биле целосно елиминирани.
Do you see what is happening?
A “universal cancer vaccine” is in development. University of Florida have developed an mRNA vaccine that teaches the immune system to hunt and destroy cancer cells….any kind, not just one specific type.
Using the same mRNA platform that powered… pic.twitter.com/Sq6E3WmWKK
— Informed NJ Nurses (@InformedNJNurse) July 22, 2025
„Ова откритие е доказ дека овие вакцини потенцијално би можеле да се комерцијализираат како универзални вакцини против рак за да се сензибилизира имунолошкиот систем против индивидуалниот тумор на пациентот“, изјави онкологот Елиас Сајур.
Тимот веќе работи на нови формулации на вакцини со mRNA и планира клинички испитувања. Терапијата исто така треба да се тестира во поширок спектар на сценарија, како што е спречување на повторна појава на болеста, а не само лекување на ново дијагностициран рак. Иако манипулирањето со имунолошкиот систем секогаш носи ризик од несакани ефекти, овој пристап засега изгледа многу ветувачки.
„Ова потенцијално би можело да биде универзален начин за бидење на сопствениот имунолошки одговор на пациентот на рак“, заклучи Мичел.
„И би било исклучително значајно доколку би можело да се генерализира на истражувања со луѓе.“
