Малку работи можат да ги обединат луѓето на интернет денес, но ако има едно нешто што може да ги собере луѓето, тоа е трогателно видео со животни, пренесува Ролингстоун.
Затоа корисниците на Твитер брзо се обединија околу Панч, шестмесечно бебе макаки мајмунче од Јапонија кое пронашло утеха во кадифена играчка откако било отфрлено од неговата мајка по раѓањето.
Панч (или Панч-кун на јапонски) е роден во јули во зоолошката градина во Чиба и оттогаш за него се грижат и го хранат чуварите во зоолошката градина, откако неговата мајката и нејзиниот чопор го напуштиле. Другите мајмуни во неговиот кафез исто така се однесувале непријателски, па кутриот Панч бил препуштен самиот на себе кога не бил под будното око на своите старатели.
За среќа, чуварите пронајдоа решение и му купија кадифена играчка за да му прави друштво. Неговиот избран придружник стана портокалов кадифен орангутан од Икеа.
Иако не може целосно да ја замени мајката, мајмунот на Икеа нуди сличен, мек и крзнен пријател за гушкање. Неговите долги раце овозможуваат орангутанот да се закачи околу рамената или половината (велкро лентата овозможува да му се спојат рацете и нозете).
Another video of a macaque with a heartbreaking story
This toy replaced his mother for the little one.
We don’t pay for the internet to cry 😭💔 https://t.co/E15UTdBZM6 pic.twitter.com/IVvxhPDeI1
— NEXTA (@nexta_tv) February 15, 2026
Снимки од зоолошката градина покажуваат како се свиткува до играчката додека спие или ја влече низ својот простор во текот на денот.
Иако Икеа официјално не потврди дека чуварите на зоолошката градина ја купиле нивната играчка, профилите на компанијата на социјалните мрежи одговорија потврдно на објавите за орангутанот.
Зоолошката градина вели дека бројот на посетители значително се зголемил откако „Панч“ стана вирален и дека вработените се „многу изненадени од невидените и неочекувани толпи што ги доживеале“.
Панч има среќа што за него се грижат јапонски чувари – повеќето бебиња мајмуни напуштени од своите мајки или чопори во дивината речиси сигурно умираат, неспособни сами да најдат храна или засолниште.
