Павле Кузмановски (1939, Тетово) се вбројува во редот на најзначајните современи македонски сликари. Во изминатите 65 години активна и пасионирана творечка дејност тој создаде дела со антологиска вредност, кои се вреднувани од страна на извонредни познавачи на ликовната уметност. Неговите бројни изложби организирани во Македонија и во многу градови во соседните држави и во Европа, го привлекоа вниманието на познати историчари на ументоста, на ликовни критичари, писатели и публицисти, како и на бројни вљубеници во уметноста. Кај сите нив преовладува мислењето, дека богатото и разновидно творештво на Кузмановски, претставува константа во поглед на зацртаниот творечки пат во далечните шеесетти години на минатото столетие.
Промоција на „Критиката за творештвото на Павле Кузмановски“
Во мултимедијалниот културен центар „Матица ексклузив“ во Скопје утре во 12 часот ќе се одржи промоција на книгата „Критиката за творештвото на Павле Кузмановски“. За значењето на ова дело ќе говорат Климе Коробар и Антонио Павловски. Чинот на промоцијата ќе биде збогатен со изложба на шеесет слики од сите творечки фази на познатиот сликар.
Објавено на
часот
