Потпретседателот на САД: Ова е апсолутно нечесно. Не ги спомнав ни Франција ни Британија

Венс спомнал „некоја небитна земја“, а Британците се препознаа во неговите зборови.

„Тоа е многу подобра безбедносна гаранција од 20.000 војници од некоја небитна земја која не војувала 30 или 40 години“, кажа Венс.

Набрзо почнаа да пристигнуваат гневни реакции од Британија бидејќи во американските војни во Ирак и Авганистан, водени на почетокот на овој век, загинаа 632 британски војници.

Венс сега тврди дека таквите реакции не се чесни кон него, и истакнува дека во интервјуто не ги спомнал ни Британија ни Франција.

„Дури не ги ни спомнувам Обединетото Кралство или Франција во овој дел, а двете земји храбро војуваа покрај САД во последните 20 години, и повеќе“, порача американскиот потпретседател.

This is absurdly dishonest.

I don’t even mention the UK or France in the clip, both of whom have fought bravely alongside the US over the last 20 years, and beyond. https://t.co/hrkb5pTV8p

— JD Vance (@JDVance) March 4, 2025