Премиерот Хан ја презеде функцијата откако претседателот Јун беше отповикан од парламентот поради неговиот неуспешен обид да воведе воена состојба на 3 декември. Хан требаше да ја изведе земјата од политичката криза, но опозициските пратеници тврдат дека тој ги одбива барањата за завршување на процесот на импичмент на Јун. Во собранието денеска беше хаотично за време на гласањето.
Пратениците од владејачката Партија на народната моќ (ППП) на Јун и Хан протестираа откако претседателот на Националното собрание Ву Вон-Шик објави дека се потребни само 151 глас за да се усвои предлогот за импичмент.
Ова значеше дека, за разлика од 200-те гласови потребни за импичмент на Јун, овој пат не беше потребен ниту еден глас од пратениците на владејачката партија за Хан да биде отповикан. Среде парламентот се собраа претставници на владејачката партија кои извикуваа дека се работи за невалидна злоупотреба на власта и го повикаа претседателот на Собранието да поднесе оставка. Повеќето од нив го бојкотираа гласањето.
Опозицијата поднесе предлог за импичмент на Хан за прв пат во четвртокот, откако тој го блокираше назначувањето на тројца судии избрани од парламентот да го разгледаат случајот на Јун. Корејскиот Уставен суд вообичаено има девет члена, а најмалку шест судии мора да го потврдат отповикувањето на Јун за одлуката да биде валидна. Во моментов, судот има само шест члена, што значи дека едно одбивање би било доволно да го задржи Јун на функцијата. Опозицијата се надеваше дека тројцата дополнителни кандидати ќе ги зголемат шансите за потврда на отповикувањето на Јун.
Министерот за финансии Чои Санг-Мок треба да го замени Хан како вршител на должноста претседател. Разрешувањето на Хан веројатно ќе ја зголеми политичката блокада и несигурноста со која се соочува земјата во моментов.
