„Според привремените податоци, во Белгород загинаа пет лица, меѓу кои и едно дете, а 18 лица се повредени, меѓу кои пет деца“, напиша гувернерот Вјачеслав Гладков.
Според него, во Белгород биле оштетени неколку станови, куќи и автомобили, како и мал трговски центар и објект на индустриска компанија.
Belgorod under heavy shelling
Residents of the city reports several hit shells, cars were damaged, a shopping center was also damaged. According to preliminary data, at least 10 people were injured, there are dead.
The authorities have not officially commented on the… pic.twitter.com/hHUTgHmx8O
— NEXTA (@nexta_tv) February 15, 2024
Претходно денеска државната новинска агенција Риа Новости објави дека бил извршен бомбашки напад врз трговски центар. Агенцијата сподели видео на кое се гледа продавница со скршени излози и влез во урнатини.
На видеото се видливи и неколку тела.
Belgorod pic.twitter.com/tVM0hg5qlL
— cabeço (@MiguelA06688225) February 15, 2024
Градот Белгород, кој се наоѓа на околу 40 километри од украинската граница, е главен град на истоимената руска област, која редовно е мета на Украина, како еден вид одговор на големите воени акции што ги спроведува Русија.
Руските власти соопштија дека системите за противвоздушна одбрана над регионот Белгород собориле 14 украински ракети.
Во декември, за време на досега најсмртоносниот напад на Белгород, загинаа 25 луѓе, а уште стотина беа ранети.
