Оваа одлука е дел од поширокото преиспитување на операциите на САД против Русија, а временската рамка на која се однесува не е јасно дефинирана, пишува Њујорк тајмс.
Пентагон не дал одговор на прашањето на агенцијата Франс прес за ова, наведувајќи ја потребата од одржување на оперативната безбедност. Како и за другите тајни операции, властите речиси никогаш не коментираат за активностите во сајбер-доменот.
„Нема поголем приоритет за министерот Пит Хегсет од безбедноста на воените борци во сите операции, вклучително и во сајбер-доменот“, рече претставникот на Пентагон.
Американскиот советник за национална безбедност Мајк Волц, синоќа на прашањето за приближувањето со Русија, негираше дека имало пауза во сајбер-операциите.
„За тоа не се разговараше, ќе има различни мерки, многу стапови и моркови, за да ѝ се стави крај на таа војна“, рече Волц.
