„Ако американскиот претседател дојде и склучи мир и се постигне договор, мислам дека Русија ќе биде реинтегрирана во светската економија… европскиот безбедносен систем, па дури и европскиот економски и енергетски систем, тоа ќе ѝ даде голем поттик на унгарската економија“, рече Орбан, сојузник на претседателот Доналд Трамп. „Ќе добиеме многу од мировен договор“.
Трамп рече дека и рускиот претседател Владимир Путин и украинскиот претседател Володимир Зеленски изразиле желба за мир во одделни телефонски разговори со него во средата и им наредил на највисоките американски претставници да започнат разговори за ставање крај на војната во Украина.
Откако Русија ја нападна Украина на почетокот на 2022 година, Орбан беше гласен критичар на ставот за санкции на ЕУ против Москва и финансиската и воена поддршка на Унијата за Украина како одговор на војната.
Додека западноевропските земји вложија сериозни напори да се ослободат од зависноста од руската енергија, Унгарија, земја без излез на море, добива 80-85 отсто од својот гас од Русија, а и најголемиот дел од резервите на сурова нафта исто така доаѓаат од Русија.
