Ова се веројатно најголемите протести во Израел од почетокот на војната пред 11 месеци. Повеќе од 300.000 луѓе беа во Тел Авив, каде што демонстрантите маршираа со ковчези што ги симболизираа убиените заложници, а други запалија оган на средината на еден од главните автопати.
Протестите беа предизвикани откако израелските одбранбени сили (ИДФ) објавија дека телата на Кармел Гат (40), Еден Јерушалми (24), Херш Голдберг-Полин (23), Александар Лобанов (33), Алмог Саруси (27) и Ори Данино (25) во саботата беа пронајдени во тунел во јужниот дел на Газа.
Сите шестмина беа киднапирани од Хамас на 7 октомври, Гат од кибуцот Беери, а другите од музички фестивал.
🚨🇮🇱 MASSIVE PROTEST in Israel calling on Netanyahu to RESIGN IMMEDIATELY! pic.twitter.com/tMU5EDD3YA
— Jackson Hinkle 🇺🇸 (@jacksonhinklle) September 1, 2024
Критичарите во Израел, вклучително и некои демонстранти, го обвинија премиерот Бенјамин Нетанјаху дека ѝ дава приоритет на политиката пред заложниците и дека поставува услови за прекин на огнот на кои Хамас никогаш нема да се согласи.
Протести се одржаа и пред канцеларијата на Нетанјаху во Ерусалим.
Лидерот на најголемиот синдикат во земјата најави и еднодневен генерален штрајк како начин за притисок врз владата на Нетанјаху.
As tens of thousands protest in Tel Aviv to demand Netanyahu allow a prisoner exchange/ceasefire, Israeli forces are responding with stun grenades.
Israel has been at war with its neighbors since its inception. Now it appears it may go to war with itself.pic.twitter.com/55eEI1T40p
— Wyatt Reed (@wyattreed13) September 1, 2024
Арнон Бар-Давид, шеф на синдикатот Хистадрут, рече дека главниот аеродром Бен Гурион во земјата ќе се затвори во 8 часот по локално време, а се очекува универзитетите, фабриките и компаниите од високотехнолошкиот сектор да се приклучат на штрајкот.
Израелскиот министер за финансии Безалел Смотрич рече дека генералниот штрајк нема правна основа и го повика јавниот обвинител да поднесе итно барање до судот за блокирање на штрајкот.
Израелскиот министер за одбрана Јоав Галант, кој често се судри со Нетанјаху, беше меѓу оние кои повикаа на договор за прекин на огнот, а лидерот на опозицијата и поранешен премиер Јаир Лапид ги повика луѓето да се приклучат на протестите во Тел Авив.
Израелската полиција соопшти дека се уапсени околу 24 лица, пренесе Ројтерс.
Mass protests in Tel Aviv Israel demanding cease fire deal and resignation of prime minister Benjamin Netanyahu pic.twitter.com/VXT4VQoPBY
— hillary gondi (@HillaryGondi) September 2, 2024
Форумот на семејствата на заложниците на Икс објави дека за денеска се планирани нови протести и ги повика граѓаните да излезат на улица.
Според израелското Министерство за здравство, обдукцијата извршена на телата на шестмината заложници открива дека тие биле убиени „од непосредна близина“, „помеѓу четврток и петок наутро“.
Но, според член на Хамас, кој сакаше да остане анонимен, тие биле „убиени од истрели и бомбардирање на израелскиот окупатор“, а некои од нив биле на „списокот одобрени заложници што требало да бидат ослободени од Хамас“.
