Од групата посочуваат дека информацијата објавена во некои медиуми оти ќе се приклучат кон Беса, е невистина. Тие најавуваат дека во наредниот период ќе се интензивира „борбата за демократизација, транспарентност, воспоставување на принципот меритократија и отчетност во рамките на Демократската унија за интеграција“.
„На огнената група на која ѝ даваат поддршка една третина од гласачите на ДУИ не ѝ е местото надвор од ДУИ, туку треба да отстапат тие кои немаат ниту гласачи, ниту реализирани проекти, со што ќе се создаде место за млади подготвени и компетентни кадри кои ја знаат и ја сакаат ДУИ“, се посочува во соопштението.
Дел од медиумите деновиве објавија дека „огнената група“ од ДУИ ќе стане дел од Беса, за што во тек биле разговори и средби. Условот на Беса бил огнените прво да се трансформира во политичка партија, па потоа да им се придружат.
