Во Скопје, наутро со појава на магла или ниска облачност. Во текот на денот облачно со повремени врнежи од дожд. Попладне ќе дува слаб до умерен ветер од северен правец.
Утре времето во Македонија ќе биде претежно облачно и постудено со повремени врнежи од дожд, наместа пообилни (над 50 l/m2). На планините врнежите ќе бидат од снег и ќе се формира снежна покривка. На повисоките места и во некои пониски ќе бидат од дожд и снег и особено во западните делови ќе има снежна покривка понекаде и на пониските места. Ќе дува умерен, повремено засилен северен ветер. Дневните температури ќе се движат од 0 до 6 Целзиусови степени.
