Оваа средба зад затворени врати, предводена од руски и американски дипломати во резиденцијата на американскиот генерален конзул, е втора средба меѓу претставниците на двете сили, по онаа што се одржа на 18 февруари во Саудиска Арабија.
Руското Министерство за надворешни работи објави кратко видео од пристигнувањето на руската делегација во црно комбе.
📹 The Russian delegation, comprising experts on Russia-US relations, arrives at the venue of the talks with the US delegation in Istanbul pic.twitter.com/15fLz5rk8J
— MFA Russia 🇷🇺 (@mfa_russia) February 27, 2025
Првите руско-американски разговори од почетокот на конфликтот во Украина во февруари 2022 година дојдоа неколку дена по телефонскиот разговор меѓу Владимир Путин и Доналд Трамп, кој стави крај на политиката на изолација што Вашингтон и Западот ја водеа три години.
💬 #Zakharova: Today #RussiaUS talks at an expert level take place in Istanbul to find ways to resolve many ‘irritants’
We expect it to be the 1st in a series of expert consultations that will bring us closer to overcoming differences & strengthening confidence-building measures pic.twitter.com/ioHAtBlFvI
— MFA Russia 🇷🇺 (@mfa_russia) February 27, 2025
Во тој процес, Русите и Американците рекоа дека сакаат да ги обноват своите билатерални односи, поради што Киев и европските сојузници стравуваат дека ќе бидат изоставени од решението на конфликтот во Украина.
По разговорите, Сергеј Лавров и неговиот американски колега Марко Рубио изјавија дека сакаат да го вратат нормалното функционирање на амбасадите и конзулатите, по повеќегодишното протерување на претставници од меѓусебните дипломатски претставништва.
Покрај оваа тема, Москва и Вашингтон најавија дека работат на повторно воспоставување на економска и енергетска соработка, особено на Арктикот и во вселената.
