Доминантно издание на Ландо Норис во Сингапур, поведе од пол-позиција, беше недопирлив на врвот и на крајот мина прв низ целта со 20+ секунди.
Сепак, Макс Ферстапен ја минимализираше штеата со финиш на второто место, па разликата во генералниот пласман сега е 52 поени, на шест трки (плус два Спринта) до крајот на сезоната.
Холанѓанецот помош доби и од Даниел Рикардо, кој го освои екстра бодот за најбрз круг.
Последното место на пиедесталот му припадна на Оскар Пиастри, за уште еден успешен викенд за Мекларен.
Џорџ Расел одолеа на нападите на Шарл Леклер во битката за четврото место, а во бодови уште завршија Хамилтон, Саинц, Алонсо, Хулкенберг и Перез.
