Неговите коментари објавени на социјалните мрежи следат откако американскиот претседател Џо Бајден кажа дека Израел предложил договор во три фази за прекин на огнот во Газа во замена за ослободување на заложниците од страна на Хамас.
„Условите на Израел за прекинување на војната не се сменети: уништување на воените и командни капацитети на Хамас, ослободување на сите заложници и обезбедување Газа повеќе да не претставува закана за Израел“, порача Нетанјаху.
„Израел ќе продолжи да инсистира на тоа овие услови да се исполнат пред да се воспостави траен прекин на огнот. Идејата Израел да се согласи на траен прекин на огнот пред тие услови да бидат исполнети е исклучена“, додаде тој.
