Зборувајќи на англиски во триминутно пропагандно видео објавено од неговиот кабинет, Нетанјаху кажа дека му се обраќа на иранскиот народ и ја обвини иранската влада за туркање на Блискиот Исток „подлабоко во војна“ по цена на сопствениот народ.
„Нема место на Блискиот Исток до кое Израел не може да досегне. Нема место на кое нема да отидеме за да го заштитиме својот народ и да ја заштитиме својата земја“, кажа Нетанјаху. Тој во видеото тврди дека иранскиот режим ги води Иранците „поблиску до бездната“. Иран и Израел ќе имаат мир кога Иран „ќе биде конечно слободен“, што, како што процени, „ќе се случи побрзо од што мислат луѓето“.
The people of Iran should know – Israel stands with you pic.twitter.com/MfwfNqnTgE
— Benjamin Netanyahu – בנימין נתניהו (@netanyahu) September 30, 2024
Зборувајќи за Хасан Насралах, лидерот на Хезболах убиен во саботата во израелски воздушни напади на Либан, Нетанјаху кажа дека „марионетите на иранскиот режим“ ги елиминира секој ден. Израел нелегално врши воздушни напади врз друга земја, Либан, напаѓајќи цели на Хезболах, најдобро вооружената милитантна група на Блискиот Исток поддржана од Техеран.
