Народното собрание ги отфрла и не прифаќа ниедна одлука на Кристијан Шмит, се наведува во заклучоците.
Претседателот на РС Милорад Додик денес неправосилно беше осуден на една година затвор, односно шест години забрана за вршење на политичка функција поради непочитување на одлуки на високиот претставник.
Исто така, народното собрание на РС ги смета за неважечки сите закони и одлуки на органи кои не се дефинирани со Уставот на БиХ и пред сè Високиот судски и обвинителски совет, Обвинителството на БиХ, Судот на БиХ и Агенцијата за истраги и заштита на БиХ, се наведува во заклучоците.
Народното собрание на РС констатира дека одлуката на Судот на БиХ да пресудува врз основа на одлука која ја наметнал поединец е спротивна на Уставот на БиХ и дека со таквото постапување Судот на БиХ го урнал уставниот поредок на БиХ.
Народното собрание најостро го осудува постапувањето на Обвинителството на БиХ кон народните пратеници во собранието, поради постапките кои ги вршат во рамки на нивните должности, а кои како крајна цел имаат заплашување и политичко неутрализирање, и се противат на преземање на кои било дејства од страна на Обвинителството и други органи кои постапуваат по нивни наредби кон народните пратеници.
Заклучоците стапуваат на сила веднаш.
