Циклонот, наречен Борис, донесе обилни дождови од Австрија до Романија, што доведе до најголемите поплави во речиси три децении во тешко погодените области на Чешка и Полска.
Илјадници куќи беа оштетени за време на викендот, мостови беа однесени, а најмалку 250.000 домаќинства – главно во Чешка – останаа без струја.
Едно лице се удави во неделата во југозападна Полска, пожарникар кој учествувал во спасувачки операции загина во Австрија, а уште две лица загинаа во Романија, каде поплавите однесоа четири животи во саботата.
Како што пренесуваат локалните портали, во градот Гологлов во Полска автомобил во кој се возеле родители и две деца бил однесен од порој. Автомобилот бил на улица, но поројот дошол толку брзо и бил толку силен што не можеле да излезат од автомобилот. За среќа, пожарникарите успеале да го спасат семејството.
Trwają akcje ratunkowe w Gorzuchowie i Gołogłowach. W pierwszej z wymienionych miejscowości woda zabrała z drogi busa, w którym znajdują się dwie osoby. W Gołogłowach w wielkiej wodzie utknął samochód osobowy, w którym uwięzione zostały 4 osoby.
Foto: telewizja kłodzka pic.twitter.com/bPCK0PFKqQ
— Remiza.pl (@remizacompl) September 15, 2024
Полскиот премиер Доналд Туск изјави дека неговата влада ќе прогласи состојба на природна катастрофа додека се бори со разорните поплави.
„По консултација со надлежните министри и служби, наредив подготовка на уредба на Советот на министри за воведување состојба на природна катастрофа“, напиша Туск на Икс.
Состојбата на природна катастрофа ѝ дава на владата поголема контрола за да ги задржи и да се справи со последиците од катастрофата, што може да вклучува ограничување на одредени слободи и права.
Полски репортер објави слики од градот Клодско откако нивото на водата падна за 3 метри.
Skala zniszczeń w #Kłodzko, godz. 7:53
Poziom wody spadł o 3 metry. “To na co pracowaliśmy 27 lat po ostatniej powodzi poszło na marne” – mówią mieszkańcy@RMF24pl #powódź2024 #Powodź pic.twitter.com/wuguJwasSE— Beniamin Kubiak-Piłat (@beniaminpilat) September 16, 2024
„Сè што градевме со години исчезна“, вели еден жител.
Kłodzko, obraz miasta po przejściu wielkiej wody #Powodź #powodź2024
pic.twitter.com/BZqXC4qYGh— Marcin Aleksa 🇵🇱✌️🇺🇦✌️🇪🇺 🚴♂️ (@marcin_aleksa) September 16, 2024
Се чини дека во Св. Полтен пукнал уште еден дел од браната на реката Трајзен, во близина на државното спортско училиште. Пожарникарите веќе се на пат таму. Според ОРФ, пукнатината наводно е широка и до 60 метри, а слични оштетувања на насипите неодамна се санирани со помош на големи вреќи.
Kłodzko po opadnięciu wody, będą bardzo duże straty… #powódźpic.twitter.com/hHfW4QdudN
— DudekPL4 (@DudekPL4) September 16, 2024
Прогласена е катастрофа за цела Долна Австрија.
Иако ноќта беше мирна во Долна Австрија, сè уште не е завршено. За денеска повторно се предвидува пороен дожд. Се предвидуваат до 60 литри дожд на метар квадратен. Прогнозите на метеоролозите велат дека ситуацијата нема да се смири до средината на неделата.
Rivers are also causing flooding in #Vienna, #Austria. People are locked in their homes and subway services have been suspended. The situation is precarious, as can be seen in the photos. pic.twitter.com/2CcxVUAPAs
— Michaela (@austria63amy) September 15, 2024
Во Виена, метрото делумно е запрено и сè уште работи само во ограничен обем. До некои згради може да се стигне само со чамец.
#AustriaFlood: Unreal footage from today’s flooding in the Austrian capital of #Vienna, affecting large parts of the city after the overflowing of the Wien river. pic.twitter.com/UymLpxGeAT
— AsgardIntel (@AsgardIntel) September 15, 2024
Во Долна Австрија, која беше тешко погодена од поплави, во текот на викендот биле спасени стотици луѓе. Според извештајот на противпожарната служба, само во областа Св. Полтен до доцна во неделата навечер биле спасени 304 лица.
Vienna this morning (video not mine) pic.twitter.com/ftnFR0Q9vz
— Tanja Maier (@tanjamaier17) September 15, 2024
Покраината е прогласена за област на катастрофа од неделата и е во „кризен режим“, според заменик-гувернерот Стефан Пернкопф. „Ноќта помина мирно“, изјави утринава за АПА Клаус Стебал од државната противпожарна служба.
