Крајниот рок за прием на понудите беше 20 ноември. На тендерот се јавија 5 компании од кои четири странски (две од Италија и по една од Турција и Србија)и една домашна компанија.
Тендерската постапка беше отворена, а компанијата која ќе биде избрана ќе има рок од две години за изградба на македонскиот дел од интерконекторот, во должина од 67 километри. Се очекува до крајот на годината да биде финализиран изборот, како и потпишувањето на потребните договори со компанијата која ќе ги изведува градежните работи, со што, според очекувањата, изградбата ќе почне напролет.
Средствата за изградба на интерконекторот се обезбедени преку кредити и грантови од меѓународни финансиски институции, меѓу кои Европската инвестициска банка (28,9 милиониевра), Европската банка за обнова и развој (44 милиони евра), инвестициски грант преку ВБИФ (9,9 милиони евра), како и техничка помош (100% грант) преку програмата ВБИФ за надзор, инспекциско тело и административна помош за НОМАГАС АД Скопје.
Гасоводот ќе овозможи не само транспорт на природен гас, туку и водород, со што ќе се придонесе кон транзицијата кон зелена енергија и исполнување на европските стандарди, соопшти Номагас.
