Српскиот претседател Александар Вучиќ вчера на покажувањето на вооружувањето и воената опрема на Војската на Србија, во комплексот на Нишката тврдина, имаше прилика да го види системот за одбрана од беспилотни летала „репелент“, за првпат претставен на српската јавност.
MOD posted a picture of the Repelent-1 system in Service https://t.co/C393rSmoo2 pic.twitter.com/QybLmqNFhK
— Posmatrac Istorije (@Posmatrac22) February 14, 2024
Станува збор за руски систем кој може да сузбие или уништи роеви извидувачки, шпионски беспилотни летала или дронови, во радиус од 30 километри.
„Пристигна „репелент“. Ова е „репелент“. Не е силен како „красуха“, но е одличен“, кажа Вучиќ.
Претставници на Војската на Србија истакнаа дека системот „репелент“ е наменет за детекција и лоцирање на беспилотни летала, како и вршење на статистичка обработка на податоците, одржување на нивото на закана и евентуално попречување на сите радиоканали за управување и сателитска навигација.
Истакнато е дека целта на тој систем е одвраќање од потенцијален напад со беспилотни летала, како и дека покрива простор од 30 километри.
Станува збор за систем кој ги открива дроновите, ги следи нивните сигнали и електронски го сузбива преносот на податоци од беспилотните летала.
