„Сакам да искажам огромна благодарност до Управата за јавни приходи и директорката Елена Петрова, а особено до колегите од Струмица и другите градови кои денес заедно со мене цел ден неуморно работеа во спроведување на акцијата во Струмица. Дел од нив директно со мене во Струмица, а дел и низ други градови на Македонија. Исто така, огромна благодарност до Министерството за внатрешни работи, Бирото за јавна безбедност и Царинската управа кои беа огромна поддршка на колегите од УЈП. Денес покажавме дека сплотениот тим е посилен од сѐ. Продолжуваме посветено и одговорно за доброто на сите!“, напиша доцна синоќа министерката за финансии, Гордана Димитриеска Кочоска.
Димитриеска Кочоска не објасни која била нејзината улога во акцијата особено што станува збор за случај за кој се води предистрага и доказите собрани во оваа фаза од постапката се тајни, а секое откривање на поединечни информации претставува кривично дело.
