Регионалниот гувернер Максим Козицки на Телеграм изјави дека во нападот биле погодени неколку станбени згради.
Градот Лавов се наоѓа на повеќе од 1.000 километри од фронтот и е релативно поштеден од почетокот на руската инвазија.
Сепак, енергетската инфраструктура на регионот постојано е оштетувана и градот неколку пати бил мета на дронови и проектили.
Russian missiles against our cities and people. The strike on Lviv killed 5 people, including a 14-year-old girl. My condolences go out to the families and loved ones of the victims. More than 30 people were injured. Ordinary residential buildings, schools, and medical facilities… pic.twitter.com/RYeA2k1PY8
— Volodymyr Zelenskyy / Володимир Зеленський (@ZelenskyyUa) September 4, 2024
Украинскиот претседател Володимир Зеленски објави фотографии од последиците од нападот утринава врз Лавов и потврди дека бројот на загинатите се искачи на пет, а бројот на ранетите на повеќе од 30.
Очевидци за Ројтерс изјавија дека слушнале неколку експлозии на периферијата на Киев и Лавов и тврдат дека системот за противвоздушна одбрана бил активиран.
Украински воени претставници изјавија дека одбранбени единици биле ангажирани во одбивање на нападот, а регионалниот гувернер на Лавов Максим Козицки додаде дека станбени згради биле оштетени во Лавов.
The mayor of Lviv has reported that russian missile attacks have caused fires in residential buildings near the city’s main train station. pic.twitter.com/tIx1Jqv9MM
— Kate from Kharkiv (@BohuslavskaKate) September 4, 2024
Истовремено, Полска денеска подигна воени авиони по трет пат во осум дена за да ја осигури безбедноста на својот воздушен простор, наведува британската агенција.
Lviv 💔
the russians attacked civilian infrastructure. Residential buildings.
As of now, 19 victims, 1 person died 🕯️ pic.twitter.com/8lElstDb4N— Yuliia (@KreminYuliia) September 4, 2024
„Ова е уште една многу напорна ноќ за целиот систем за противвоздушна одбрана во Полска поради забележаните активности на авионите со долг дострел на Руската Федерација кои изведуваат напади“, соопшти воениот штаб на земјата на мрежата Икс.
Тоа доаѓа откако руските сили вчера со две балистички ракети погодија воен институт во украинскиот град Полтава во најсмртоносниот напад во војната оваа година, при што според украинските власти загинаа 50, а беа повредени стотина други.
