Третото место го освои кандидатот на коалицијата Вреди, Башким Бакиу со 12,20% од изборниот „колач“, или 26.369. Со 24.859 гласа или 11,5% од излезените гласачи, кандидатката на СДСМ, Каја Шукова го освои четвртото место го градоначалничката трка за Скопје.
По затворањето на гласачките места, Државната изборна комисија (ДИК) вечерва ја одржа завршната прес-конференција на која ги соопшти неофицијалните резултати од првиот круг на локалните избори.
Претседателот на ДИК, Борис Кондарко, информираше дека излезноста на овие избори изнесувала 48,46 проценти, што е нешто пониска во однос на претходните изборни циклуси.
Според обработените податоци, ВМРО-ДПМНЕ и коалицијата што ја предводи се во убедливо водство во 54 општини низ државата, додека коалицијата Вреди води во девет, СДСМ во седум, а коалицијата НАИ предводена од ДУИ во пет општини. Демократската партија на Турците има предност во една општина.
Вториот круг на локалните избори ќе се одржи на 2 ноември.
